ONS LAND SUID-AFRIKA

Kyk, ek het nou vir lank genoeg my poze probeer hou oor die aangeleentheid, maar ek kan nie meer nie. As blanke, Afrikaansprekende vrou in die land, KAN EK NIE MEER NIE!!!!Die fok weet, daar is nou carte blanche om als so vinnig moontlik moer toe te wanbestuur!

Wat gaan aan? ‘n Verkaragter en krimineel gaan die leierskap van die ANC oorneem???? En dit voorspel die leierskap van die land! Nee, dôner – hoeveel gaan ons nog toelaat? Komaan, ons voorouers het betaal met lewens, met bloed vir hulle plekkie in die son en nou praat ek nie van politici wat stelsels gebruik het om hulself te versterk nie – ek praat van gewone mense – ons ver ouma en oupagrootjies wat hulle gatte af gewerk het en kinders en ouers verloor het. En dit terwyl hulle besig was om ‘n bydrae te maak tot die land se ekonomie??? Hulle het maar ook net probeer om ‘n regverdige bestaan te maak. En waarvoor? Vir als om deur ‘n piesangrepubliek in die gutters in gery te word? Wat de fok, mense????

Kyk net na kospryse, petrolpryse – dis ‘n sirkus – dit voel vir my asof ons regering in kompetisie met Mugabe is om te sien hoe vinnig hulle ‘n land kan vernietig. Die enigste verskil – daar is nêrens meer om te gaan vir vlugtelinge nie – die see in en dit nie net vir Blankes nie – vir almal!!!!

As inwoner en burger van die land wil en kan ek nie meer ‘n blinde oog vir seker goed gooi nie. En dis nie dat ek diskrimineer nie, maar affirmative action is oral aan die orde van die dag – veral in die regering – imbisiele wat in posisies gestel word en hulle het nie ‘n katse clue wat aangaan nie! _SCARY!!!!!! Sorry as ek ‘n ding by naam noem – dis ‘n gemors en enige iemand wat met my wil stry, is welkom.

Ek is moedeloos, mense, moedeloos. Gaan lees bietjie The Covenant van James Mitchener. Gaan lees oor die geskiedenis van die land en ons rol daarin en dan sien jy hoe ons besig is om als sonder enige teëwoord of aksie net so te aanvaar. Wat het geword van die mens waarvan Winston Churchill van gesê het: Give me a Boer and I will fight a War. Miskien het ons net te gemaklik geraak – daar is alternatiewe – maar wat van die vir wie daar nie alternatiewe soos Engeland, Amerika en Australië is nie, gaan ons maar net hopleoos sit en toekyk hoe als vernietig word? Wat beteken demokrasie dan? Die punt is, ons het die reg tot voortbestaan in die land. Ons het dit verdien – dit het nie in ons generasie se skote geval nie!

Maak nie ‘n fout nie – ek het baie simpatie met die massas mense wat in armoede leef, my probleem is met die regering wat dink dat om in ‘n magsposisie te wees, jou die reg gee om te steel, te bedrieg, te lieg, te verkrag, te moor EN om daarmee weg te kom! Dit is vir my onaanvaarbaar .

FYSBOEK

Ja, die euwel se worteltjies het nou ook hulle pad in ons huishouding  ingewurm. Elke dag slaat elke lid van die gesin hul pad in na hy/sy rekenaar, voordat daar nog ordentlik more gesê is. Daar is net een ding van die gedoente wat die hel uit my irriteer. Die saait se naam  is FACEBOOK. F.A.C.E. Dit beteken jou bakkies. Hoekom? Sodat ander mense kan sien of hulle jou herken. Dis die hele blerrie punt. Maar nee, nou dink helfte van die spul hulle is “kreatief” en oulik. Dis hondjies en katjies en karretjies en wat nog als en dan moet jy raai of dit nou  die Jan van der Merwe was wat saam met jou op skool was. Komaan, as jy kreatief wil wees, begin ‘n  blerrie blok!

Gemeet aan die tyd wat verstrek het van my laaste post, kan die leser maklik die afleiding maak dat ek nie veel gehad het om oor te biets nie. Verkeerd. Ek het blerrie baie gehad – maar ek het besluit dat ek miskien myself vir ‘n slag bietjie moet inhou en chill, jy weet – die kremetart uit die alie trek. Maar dan gebeur dae soos gister. Kyk, dis sulke dae dat ek doos se kop met sy nuwe, duur Wusthof kookmes, van sy lyf af wil sny. Met ‘n smile op my gesig.

Ja, doos kook nou – nogal lekker moet ek sê. Maar vandat hy begin kook het, kan ek sien hy eet maar langtand aan myne – so asof my jarelange afsloof voor die kospotte, al die kennis wat ek bymekaargemaak het, dinge wat hy nog moet leer en ek al vergeet het, nou pastiche is. Skeeus me for you! Ek wil sien as hy al vir 17 jaar aanmekaar dag na dag iets moet uitdink om te maak, pick ‘n pay toe moet gaan om die regte bestanddele te soek, in lang rye moet staan en daarna die stoof aandurf, of hy dan nog so entoesiasties sal wees!

Maar dis ok – ek sal die verwerping vat – hoe goorder my kos smaak – hoe meer kook hy -pas my! He-he!

O ja, gister…..Kyk, doos kry elke maand pms. Gewoonlik hier rondom volmaan se tyd. Dan moet jy op blerrie eiers loop, want wat die vorige dag vir hom snaaks was, maak hom vandag de herrie in. En dan is hy ekstra puntenerig oor als en krap aan almal se gatte. Hy is net pleinweg totaal en al irrasioneel en jy kan niks daaraan doen nie – dié dat ek die mes met begin nadertrek het. Ek wonder hoe sal hy vir aandete smaak?

Rekenaars en goed

Doos moes ‘n nuwe computer kry. Kom, gryp jou baadjie en soek skuiling agter die naaste bos en bring net asseblief ‘n borrel wyn saam! In al my jare saam die fenomeen, kon hy nog nooit die ding op eerste intrapslag aan die werk kry nie. Nee, dit is ‘n gesukkel van epidermiese proporsies. Wat bedoel was om ‘n verligting te wees, verander opeens in ‘n magtige struikelblok wat my ernstig laat dink oor ‘n lesbiese verhouding.

Want sien, as doos sukkel, dan raak hy uiters gefrustreerd en ons almal loop deur. Veral as jy nou ook rekenaar verwante werk moet doen. En jy is nie rekenaarkundig nie. En hy rammel in tien sekondes af wat jy moet doen met ‘n program wat jy nog nooit van tevore in jou lewe gesien het nie. Dan loop jy deur. Want jy is mos dom.

Maar dis nie die ergste nie. Die f++++n duur, nuwe rekenaar word gestamp en geklap en jy sien al hoe jy die geld baie beter kon spandeer op ‘n nuwe wardrobe!

Jy gooi maar nog ‘n glas en intussen word jou dogtertjie mal in haar kamer. Speel sy is een of ander spy en maak die ondaardste geluide en dit net terwyl jy probeer om te konsentreer om die vrede te handhaaf. Doef! Doef! Whaaaa! Heeee!

Ek weet nie wat sukkel hy so nie. Vat net die bleddie ding terug na die mense wat hom aanmekaargesit het en sê hulle moet sien kom klaar. Dan gaan jy en gaan sit rustig in ‘n restaurant en eet en drink lekker. Maar nee…… hoekom dink jy maak net een sperm dit tot by die eiersel? Want al die ander, tipies man, is te trots om vir aanwysings te vra. Kom ons f+k die ding heeltemal op en dan soek ons hulp!

Van die os op die jas. Het jy al gesien, op meeste prentjies van aliens het hulle net drie vingers. Die duim, voor- en middelvinger. Kyk hoe lyk jou hand as jy die muis vashou !

O donner, doos is besig om sy keyboard te vernietig – ek gaan gou nog bietjie wyn skink!

Motorryers

Ek is stil, want dit gaan goed. Nie veel om oor te biets nie. O, ja, behalwe die motorryers in die Kaap.

Ek wonder hoeveel het lisensies – nee – leerlinglisensies? Want 90% weet nie dat ‘n mens moet aandui as jy van plan is om jou voertuig van rigting te laat verander nie. Hulle laat jou staan en wag soos ‘n parra, terwyl hulle met ‘n spoed van doer ver af aankom, net om kort voor jou, ewe doodluiters, met ‘n dead pan gesig te draai. Geen flikkerlig.

Dan weet helfte ook nie dat die wit lyn in die middel van die pad, verkeer in teenoorgestelde rigtings uitmekaar hou nie. Dit is vir diesulkes glad nie die teken om aan jou eie kant te bly nie. Nee – die streep is om vir jou te wys waar jou motor presies in twee helftes verdeel kan word. Veral as daar ander motors van voor af aankom. Hulle kan nou weer die middel van hulle karre met die geelstreep aan die kant bepaal. So is daar mos dan plek vir drie rye karre!

Afrikaanse musiek-maakmysiek-en kospryse!

Oukei – ek het my vorige post oor Afrikaanse musiek en Bok van Blerk en Juanita du Plessis en Gerrie Pretorius en Amor afgehaal, want al is ek ‘n bitch, pla my gewete my as ek persoonlik raak. Punt is – daar is goed wat nie te sleg is nie en dan is daar gemors – en daai gemors beslaan 80% van die mark. Dis net vir my snaaks dat daai 80% die topverkopers is……wag, laat ek ‘n sluk wyn vat….kospryse………….

Waar gaan alles heen, mense?  Ek het vandag weer net verstom gestaan toe ek die inhoud van my R700 se rekening op die kombuistafel uitpak. Sap, melk, botter, tamatiepasta, koffie, deodorant, sjower jel, swartsakke, goulash vleis en wilsdnek – (teen R20 ‘n pakkie), waarvan ek slegs twee gekoop het. ‘n Paar herbs. Wat wel duur was, was doos se wyne – R87,00 vir ‘n Raka Shiraz en R99,00 vir ‘n Saxenburg Shiraz – maar liewe genade – R700!!! Dis absurd!

Wat moet ons deesdae eet om ons begrotings te laat klop? Bully beef, tuna, maalvleis, chicken livers??? Eiers???? Asseblief. Ek soek hulp. Kan enige iemand wat met minder as ‘n duisend rand ‘n week vir kos en drinkgoed klaarkom en ten minste ordentlik eet, asseblief vir my hulle spyskaart gee? Ek kan nie meer nie, korporaal !

As tietiesvat nie meer genoeg is nie

Soms gaan dit so goed in jou huwelik. Als is hunkie dory en die tye van onmin is amper ondenkbaar. Maar tog – êrens in jou agterkop is daar ‘n stemmetjie wat sê: “Jy weet hierdie gaan nie lank hou nie, nè”. Jy maak of jy nie hoor nie. Geniet die oomblikke in totale ontkenning. En dan gebeur dit. Skielik. Sonder waarskuwing.

Iets kleins, iets simpels. Soos jy wat nie lus is vir seks as hy eerste ding in die oggend aan jou “aansitknoppies” kom draai nie. Dan staan jy gou op met die verskoning dat jy eers lus is vir koffie . Jy vat ekstra lank en gaan surf gou eers bietjie op die net en hoop hy kry die boodskap. Jy weet hoe hy gaan reaggeer as jy sê: “Nie nou nie” en jy hoop hierdie is meer subtiel.

Foutjie. Sy eer is gekrenk en jy sal dit ontgeld. Vir weke sê ons net die nodigste, bly uit mekaar se pad en kyk wie kan die hardegatste wees. En nou is die tye van vrede en vreugde ondenkbaar en die stemmetjie hoon kliphard: “Ek het jou mos gesê!”

Kan iemand dalk vir my sê hoe om vir ‘n man op die “regte”manier nee te sê? En kan ek ook net vir mans sê – veral die wat al lank getroud is en seks as vanselfsprekend aanvaar. Al is dit lekker as julle aan ons tieties vat – dis nie die knoppies wat ons breins aanswitch nie.

Perfeksionisme

Wat is ‘n ander woord vir ‘n perfeksionis? Doos. Vra my. Ek is getroud met een.

Nie dat ek nie lief is vir hom nie, maar hel, soms laaik ek hom net mooi niks. Daai ongenaakbare oë wat jou gedurig skrutiniseer net om te kyk wanneer jy ‘n fout gaan maak. Daai gedurige ongeduld en kritiek as jy die fout maak, want maak, die gaan jy, veral as jy soos ‘n valk dopgehou word.

Wat my die meeste verstom is hulle geloof in hul perfeksionisme. Hulle glo vas dat als wat hulle doen geoorloof en korrek is. Daarby is hulle meesters in blame shifting.

Gooi by die konkoksie iemand wat heeltyd skuldig voel en jy het ‘n wenresep. Veral vir die doos.

Soms kyk ek vir hom as hy langs my lê en slaap en dan dink ek, ag liewe vader, behoed my tog net vir die volgende twintig jaar. Dat ek nie die kussing vat en hom een aand in sy slaap versmoor nie!

Aangename kennis

Hallo. Noem my sommer Bitch. Bitch Botha. Ek is nie meer twintig nie, ek het al ‘n liposuction gehad en ek drink te veel wyn. En ek is knorrig – veral die laaste tyd. Miskien het dit iets met die hormone uit te waai.

Nee, dit help nie ek soek verskonings nie. Ek is prikkelbaar, verergerlik, gekwel, gepla, ontstem, verydel, verhinder,belet, gedwarsboom, gekeer, gefnuik, teleurgestel, gesteur en dalk effens versteurd. En ek gaan dit als op hierdie webblog uithaal. Elke liewe dingetjie.

Hier gaan ek skree, skree namens al my medegenote. Watch this space. Ek moet nou eers gaan kosmaak. Ek lyk seker soos ‘n koei, want die eerste ding wat uit my huismense se monde uitkom, as hulle my sien, is: “Mammie, wanneer eet ons?”